Khutbah Jum’at Jawa: Gesang Kanthi Zuhud

Dening: Moh Zaenal, S. Ag (PAIF Kab. Grobogan)

Khutbah Kapisan

اَلْحَمْدُ للهِ الَّذِيْ أَمَرَنَا بِاْلإِيْمَانِ. وَأَمَرَ الْمُؤْمِنِيْنَ بِالْجِهَادِ لِيَكُوْنَ اِيْمَانُهُمْ بِالْاسْتِيْقَانِ. أَشْهَدُ أَنْ لَا اِلَهَ اِلَّااللهُ. وَأَشْهَدُ أنَّ مُحَمّدًا رَسُوْلُ اللهِ. اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمّدٍ الهَادِي اِلَى صِرَاطِكَ المُسْتَقِيْمِ. وَعَلَى آلِهِ وَصَحْبِهِ وَالمُجَاهِدِيْنَ فِي سَبِيْلِكَ الْقَوِيْمِ. أَمَّا بَعْدُ. فَيَاعِبَادَ اللهِ اتَّقُوا اللهَ الَّذِي لَا اِلَهَ سِوَاهُ وَاعْلَمُوا أنَّ اللهَ أمَرَ جَمِيْعَ الْمُكَلِّفِيْنَ أنْ يُؤْمِنُوا بِاللهِ وَمَلائِكَتِهِ وَكُتُبِهِ وَرُسُلِهِ وَالْيَوْمِ الأَخِرِ وَاْلقَدْرِ خَيْرِهِ وَشَرّهِ . قَالَ اللهُ تَعَالَى فِي كِتَابِهِ الْعَظِيْمِ أَعُوذُ بِاللهِ مِنَ الشَّيْطَانِ الرّجِيْمِ.  بِسۡمِ ٱللَّهِ ٱلرَّحۡمَٰنِ ٱلرَّحِيمِ .  يَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَقُولُواْ قَوۡلٗا سَدِيدٗا ٠ يُصۡلِحۡ لَكُمۡ أَعۡمَٰلَكُمۡ وَيَغۡفِرۡ لَكُمۡ ذُنُوبَكُمۡۗ وَمَن يُطِعِ ٱللَّهَ وَرَسُولَهُۥ فَقَدۡ فَازَ فَوۡزًا عَظِيمًا .

Ma’asyirol Muslimin Rohimakumulloh,

Alkhamdulillah, ing dinten puniko kita saget sesarengan ngelaksanakaken tugas saking Allah SWT, inggih puniko netepi kewajiban jama’ah shalat jum’ah. Milo wonten ing kesempatan puniko monggo kito tingkataken taqwa dumateng Allah SWT arupi ngusahakaken netepi perintah-perintah Allah lan nilar larangan-larangan Allah SWT.

Monggo kito sami ambangun akhlaqul karimah. Setengah saking akhlaqul karimah inggih puniko gesang kanthi zuhud. Ingkang dipun maksud zuhud inggih puniko mboten thoma’ lan mboten rakus dateng bondo donyo. Tiyang meniko menawi zuhud badhe dipun remeni dening Allah lan poro manungso.

Wonten ing hadits dipun terangaken :

جَاءَ رَجُلٌ اِلَى النَّبِيِّ صَلَّى اللهُ عَلَيْهِ وَسَلَّمْ فَقَالَ : يَارَسُوْلَ اللهِ, دُلَّنِى عَلَى عَمَلٍ اِذَاعَمِلْتُهُ اَحَبَّنِيَ اللهُ وَاَحَبَّنِيَ النَّاسُ , فَقَالَ اُزْهُدْ فِي الدُّنْيَا يُحِبُّكَ اللهُ وَازْهُدْ فِيْمَا عِنْدَ النَّاسِ يُحِبُّكَ النَّاسُ

“wonten tiyang jaler sowan dateng Kanjeng Nabi SAW, matur : Ya Rosulalloh, panjenengan kawulo aturi paring pitedah dateng kawulo babakan setunggaling amal ingkang menawi kawulo tindakaken saget ngremenaken Allah dateng kawulo lan ngremenaken tiyang-tiyang dateng kawulo. Kanjeng Nabi lajeng paring dawuh : Ngelakonano zuhud siro ing urusan dunyo, mongko Allah demen marang siro, lan zuhud siro ing ndalem barang kang ono ing sanding manungso mongko poro manungso demen marang siro.” (HR. Ibnu Majah).

Ma’asyirol Muslimin Rohimakumulloh,

Perlu kita mangertosi bilih zuhud puniko mboten semata-mata kita nilaraken urusan dunyo, namung mentingaken urusan akhirat kemawon, meniko mboten mekaten. Wangsul ingkang nami zuhud inggih puniko sarwo sederhana, kados tingkat pangkatipun Rasulullah SAW kok inggih kerso sare namung cekap ngangge tiker tanpo kasur utawi busa.

Dipun terangaken wonten ing hadits saking Abdullah bin Mas’ud :

نَامَ رَسُوْلُ اللهِ صَلَّى اللهُ عَلَيْهِ وَسَلَّمَ عَلَى حَصِيْرٍ , فَقَامَ وَقَدْ اَثَرَ فِي جَنْبِهِ فَقُلْنَا : يَارَسُوْلَ اللهِ , لَوِاتَّخَذْنَالَكَ وِطَاءً ؟ فَقَالَ : مَالِى وَلِلدُّنْيَا مَااَنَافِي الدُّنْيَا اِلَّا كَرَاكِبٍ اِسْتَظَلَّ تَحْتَ شَجَرَةٍ ثُمَّ رَاحَ وَتَرَاكَهَا

“Rosulullah sare wonten nginggil tiker, sareng wungu ketingal labetipun tiker wonten ing lambungipun. Lajeng kita poro sohabat matur : Mbok inggih kawulo pendetaken kasur kagem panjenengan. Rasulullah ngendiko : Perlu opo ingsun ono dunyo bermegah-megah (bermewah-mewah). Ora ono ingsun ing dunyo iku kejobo koyo wongkang numpak kendaraan ngaop sedelo ono ing ngisor wit nuli mangkat ninggal wit mau.”  (HR. Tirmidzi. No.2377).

Ma’asyirol Muslimin Rohimakumulloh,

Hadits ingkang nembe kawulo aturaken puniko dados tuladha kesederhanaan Rasulullah SAW ingkang patut kita tiru. Sebab tiyang sak punika jarang sanget ingkang saget ngelampahi zuhud (sederhana). Pramila perlu kita tingkataken babakan penyederhanaan dateng punopokemawon, langkung-langkung babakan murih bondo dunyo lan kemewahan.

Rosululloh SAW dawuh :

لاَ تَتَّخِذُوا الضَّيْعَةَ، فَتَرْغَبُوا فِي الدُّنيا

“Sira kabeh ojo nemen-nemen numpuk kesugihan, kerono biso dadi nemen siro kabeh olehe demen marang dunyo.” (HR. Tirmidzi no. 2328)

Milo kito perlu mundut tuladha ingkang dipun terangaken dining sahabat Umar babakan tiyang ingkap top urusan dunya. Sahabat umar ngendika :

لَقَدْ رَاَيْتُ رَسُوْلَ اللهِ صَلَّى اللهُ عَلَيْهِ وَسَلَّمْ يَظَلُّ اليَوْمَ يَلْتَوِىْ مَايَجِدُ دَقَلًا يَمْلَأُ بِهِ بَطْنَهُ

“Temen aku pirso Rasulullah SAW siji dino luwe (ngelih) sedino muput ora ono persediaan daharan apa2 kang kanggo ngisi padaran senajan kurmo olo sak las wahe.” (HR. Muslim no.2978)

Ma’asyirol Muslimin Rohimakumulloh,

Monggo kito giat nyambut damel kangge gesang wonten ing dunyo, nanging ampun kalah giat anggen kita ngudi sangu akhirat. Lan iling-iling zuhud kedah kita lampahaken. Dene sedaya punika kita serahaken dumateng Allah SWT.

Al Qur’an dawuhaken wonten ing surat Luqman ayat 22 :

وَمَنْ يُّسْلِمْ وَجْهَهٗٓ اِلَى اللّٰهِ وَهُوَ مُحْسِنٌ فَقَدِ اسْتَمْسَكَ بِالْعُرْوَةِ الْوُثْقٰىۗ وَاِلَى اللّٰهِ عَاقِبَةُ الْاُمُوْرِ

 “Lan sopo wonge masrahake awake marang Alloh lan wong mau wongkang tumindak bagus, mongko saktemene wong mau njejekake bundelane tali kang kukuh, lan namung marang Alloh wae akibat kabeh urusan.”

Dados menawi kita punika estu-estu bade pados kawilujengan wonten ing akhirat, Gusti Allah tetep badhe maringi pikajengan dateng kita.

Gusti Allah SWT sampun dawuh wonten surat Al Isra’ ayat 19 :

وَمَنۡ أَرَادَ ٱلۡأٓخِرَةَ وَسَعَىٰ لَهَا سَعۡيَهَا وَهُوَ مُؤۡمِنٌ فَأُوْلَٰٓئِكَ كَانَ سَعۡيُهُم مَّشۡكُورًا

 “Lan sopo wonge ngarepake bebathen akhirat lan wong mau melaku maring dalane akhirat tur wong mau mukmin, mongko lumakune wong kabeh mau usahane diwales kelawan sae.”

بَارَكَ اللهُ لِيْ وَلَكُمْ فِيْ الْقُرْآنِ الْعَظِيْمِ، وَنَفَعَنِيْ وَإِيَّاكُمْ مِنَ الْآيَاتِ وَالذِّكْرِ الْحَكِيْمِ، وَتَقَبَّلَ مِنِّي وَمِنْكُمْ تِلَاوَتَهُ إِنَّهُ هُوَ السَّمِيْعُ الْعَلِيْمُ، وَقُلْ رَبِّ اغْفِرْ وَارْحَمْ وَأَنْتَ خَيْرُ الرَّاحِمِيْنَ، وَاسْتَغْفِرُوْا إِنَّهُ هُوَ الْغَفُوْرُ الرَّحِيْمُ

Khutbah Kapindho

إِنَّ الْحَمْدَ لِلهِ نَحْمَدُهُ وَنَسْتَعِينُهُ وَنَسْتَغْفِرُهُ، وَنَعُوْذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِ اللهُ فَلَا مُضِلَّ لَهُ وَمَنْ يُضْلِلْ فَلَا هَادِيَ لَهُ، وَأَشْهَدُ أَنْ لَّا إِلٰهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ، اَللهم صَلِّ وَسَلِّمْ عَلٰى سَيِّدِنَا مُحَمَّدِنِ الصَّادِقِ الْوَعْدِ الْأَمِيْنِ، وَعَلٰى إِخْوَانِهِ النَّبِيِّيْنَ وَالْمُرْسَلِيْنَ، وَارْضَ اللهم عَنْ أُمَّهَاتِ الْمُؤْمِنِيْنَ، وَآلِ الْبَيْتِ الطَّاهِرِيْنَ، وَعَنِ الْخُلَفَاءِ الرَّاشِدِيْنَ، أَبِيْ بَكْرٍ وَعُمَرَ وَعُثْمَانَ وَعَلِيٍّ، وَعَنِ الْأَئِمَّةِ الْمُهْتَدِيْنَ، أَبِيْ حَنِيْفَةَ وَمَالِكٍ وَالشَّافِعِيِّ وَأَحْمَدَ وَعَنِ الْأَوْلِيَاءِ وَالصَّالِحِيْنَ

أَمَّا بَعْدُ، فَيَا أَيُّهَا الْمُسْلِمُوْنَ، أُوْصِيْكُمْ وَنَفْسِيْ بِتَقْوَى اللهِ الْعَلِيِّ الْعَظِيْمِ فَاتَّقُوْهُ، وَاعْلَمُوْا أَنَّ اللهَ أَمَرَكُمْ بِأَمْرٍ عَظِيْمٍ، أَمَرَكُمْ بِالصَّلَاةِ وَالسَّلَامِ عَلٰى نَبِيِّهِ الْكَرِيْمِ فَقَالَ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا، اَللّٰهُمَّ صَلِّ عَلٰى سَيِّدِنَا مُحَمَّدٍ وَعَلٰى آلِ سَيِّدِنَا مُحَمَّدٍ كَمَا صَلَّيْتَ عَلٰى سَيِّدِنَا إِبْرَاهِيْمَ وَعَلٰى آلِ سَيِّدِنَا إِبْرَاهِيْمَ وَبَارِكْ عَلٰى سَيِّدِنَا مُحَمَّدٍ وَعَلٰى آلِ سَيِّدِنَا مُحَمَّدٍ كَمَا بَارَكْتَ عَلٰى سَيِّدِنَا إِبْرَاهِيْمَ وَعَلٰى آلِ سَيِّدِنَا إِبْرَاهِيْمَ، فِيْ الْعَالَمِيْنَ إِنَّكَ حَمِيْدٌ مَجِيْدٌ. اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ والْمُؤْمِنِيْنَ وَالْمُؤْمِنَاتِ الْأَحْيَاءِ مِنْهُمْ وَالْأَمْوَاتِ، اَللّٰهُمَّ اجْعَلْنَا هُدَاةً مُهْتَدِيْنَ غَيْرَ ضٰالِّيْنَ وَلاَ مُضِلِّيْنَ، اَللّٰهُمَّ اسْتُرْ عَوْرَاتِنَا وآمِنْ رَّوْعَاتِنَا وَاكْفِنَا مَا أَهَمَّنَا وَقِنَا شَرَّ ما نَتَخوَّفُ، رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

عِبَادَ اللهِ، إنَّ اللهَ يَأْمُرُ بِالْعَدْلِ وَالْإحْسَانِ وَإِيْتَاءِ ذِي الْقُرْبٰى ويَنْهٰى عَنِ الفَحْشٰاءِ وَالْمُنْكَرِ وَالبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذكُرُوا اللهَ الْعَظِيْمَ يَذْكُرْكُمْ وَاشْكُرُوْهُ عَلٰى نِعَمِهِ يَزِدْكُمْ وَاسْأَلُوْهُ مِنْ فَضْلِهِ يُعْطِكُمْ وَاتَّقُوْهُ يَجْعَلْ لَكُمْ مِنْ أَمْرِكُمْ مَخْرَجًا، وَلَذِكْرُ اللهِ أَكْبَرُ